Senda da detgas da Paul Luziet – nr. 7
Deutsch
Paul Luziet va a catscha II
La sera, ei fageva gia ualti brin, ha Paul Luziet viu silmeins trenta camutschs. Paul setta in siet suenter l’auter. Ussa era ei denton bunamein notg e Paul Luziet sto spitgar tochen l’auter di per veser cons ch’el ha tuc.
«Mo ti zacra dellas zacras! Ei quei pusseivel? Falliu finadin? O, ti striegn dils striegns; e tut ei striunau.» El sto sebetter giu en in valet per buca survegnir bled. Revegnius plaunsiu interquera el crap per crap e foga per foga, mo de saung u auters fastitgs de morts buca raschieni! Lu va el cul tgau suten dal trutg de camutschs en e sto ver, aschi 3–400 tschuncheismas sut ina gonda da tschella vart giu ils 30 camutschs ded iersera sauns e frestgs a pasculond cun hazers sdraps en bellezia ensolver. Enaquella ch’el vul puspei s’approximar al rosch, auda el in schul della guardia, ina spuentada cametga – e svanida sco lugatida ei l’entira muntanera selvadia…
