Senda da detgas da Paul Luziet – nr. 4
Deutsch
Paul Luziet va egl jester
A Sagogn sedat Paul Luziet ora sco mazler. Igl ustier da Sagogn dat su da mazzar l’auter di igl engarschaun. In tal piertgun veva el sia veta mai viu.
Tut stuorns e balurds dal grir e smuldir dils persequitaders ch’ein carschi ad in crescher, vesa igl engarschaun tuttenina che tut las vias e streglias vischinontas ein barricadadas e che tut ei postau per retscheiver el, tgi cun sigirs, tgi cun flugials e tgi cun pals e stadals. Mo il schani – en situaziun desperada – ei tuttavia buc intenzionaus d’inclinar il tgau e spetgar la frida mortala de Paul Luziet. Siglius in mument entuorn entuorn en rudi sco el ei, observa el per schabetg ina scala che meina si avon il sulet esch aviert. Strusch fatg persenn quella davosa pusseivladad, sgnuffla il schani da vieti tras la spemuna avon sia bucca, strubegia sias tschien e melli tortase vi e da scala si… Tschels suenter cun grius e gibels de victoria…
Igl engarschaun leva siglir dalla finiastra-stiva ora, ei denton staus
a ferm. Aschia ha Paul Luziet saviu dar ad el la frida mortala.
