Senda da detgas da Paul Luziet – nr. 8
Deutsch
Paul Luziet enquera de maridar
L’onda Zia vul dispet che Paul Luziet enqueri da maridar. El entscheiva si Clavadi ad encurir da maridar. E beingleiti vegn el envidaus da duas mattauns a marenda. Ina cuschina schi tschuffa ha el aunc mai viu.
«Per nuot havein nus buc envidau vus, ni essas vus forsa aschi fins che negin sa far d’engrau? Enschei, signuret mondurau de Frontscha!»
Paul survegn tuttenina aschi avunda ch’el ei sfurzaus de levar si, mo vulend far quei sesenta el aschi enmiraus dallas duas candidatas, ch’el ei sfurzaus de dar in stausch alla meisa ch’ella sgola entochen vi miez cuschina…
La brocca caffe segeina, tschallata, bettend undas sur l’entira meisa vi e la cavazza-tschagrun ballucca el miez stgir e miez clar della cuschina da quei aschi misterius sco sch’ella less empruar de vegnir viva… In berl desperau scol buff all’entschatta d’ina lavina – ed el ei o sin sava. Revegnius in techet, fa el aunc: «Adia, mias finas mattauns e sin mai pli seveser…»
