Senda da detgas da Paul Luziet – nr. 3
Deutsch
Paul Luziet va a mattauns
Paul Luziet ei ius a dir rusari per il Martin Cuntrin. Da lezzas uras era la bara aunc en stiva a casa. Buca ditg avon puschegn fa el fentas da stuer ir.
Paul va ordaviert ed entscheiva a furar la preit cun siu trader; tier mintga «ora pro nobis» ina menada da gust, senza vegnir engartaus. La fin finala vegn el de finir la ruosna avon ch’il rusari seigi finius. Lu spetg’el ordadora pacificamein, observond cu ei seigien vid il puschegn. A tgi che ha plaz vegn ei dau on stiva-tras ed als auters en stiva sper il miert. Essend ussa tut vid il puschegn, pren il Paul siu fest, catscha quel dalla ruosna furad’en e derscha il miert giun plaun. Patertgei, tgei tema e sgarschur quei ha dau! In viriveri ed in secatschem e fugiem maisudiu. En in dai ein tuts sbrigai e spurlai giuadora e naven sc’in turmegl!
