Senda da detgas da Paul Luziet – nr. 5
Deutsch
Paul Luziet va schuldau
Ina tievia notg permavauna da glina pleina steva Paul Luziet guardia sisum ils scalems dil casti, ch’in remarcabel utschac s’avischina all’entrada laterala, nua ch’el veva de controllar igl ir e vegnir d’in e scadin. Vid igl ir havess el detg ch’ei fussi igl aug Duitg (aschia numnava la schuldada il retg), mo l’uniforma, la perucca, l’entira allura mava zaco mal a prau cugl esser de quei legn ambulont.
Staus neutier avunda, fa il hosp nocturn siper gardist Paul Luziet, armaus da sum tocca dem:
«Passada libra pil retg de Frontscha, s’il vous plaît!»
«Oho, ti pagaun! Quei sa mintga tusori pretender. Il pass! Il pass, immediat, ni che jeu settel stante pede!»
«Fuss la pli biala, sch’il retg stuess mussar pass per ir en ca-sia!»
La finala eis ei propi stau il retg. Lez leva metter Paul Luziet 15 dis en ruosna. Paul seriscuda, el levi pertgirar la regina. E lezza surdat a Paul Luziet igl uorden «D’Aunghel Pertgirader».
